មនុស្សដែលមានសញ្ញាខ្វែងធំមួយកាត់ទទឹងចំកណ្តាលបាតដៃនៅចន្លោះ ខ្សែបាតដៃចំនួនពីរទៀត មិនថាឆ្វេងឬស្តាំឡើយ គឺបញ្ជាក់ថាជាពួកគេជាមនុស្សពិសេសកម្រជួប។
ពួកគេពូកែយកចិត្តទុកដាក់ និងជាអ្នកឱ្យដំបូន្មានតម្រែតម្រង់ទិសដៅមនុស្សគ្រប់គ្នា ដោយសារពួកគេមានសមត្ថភាពប្រៀបបីដូចជាគ្រូបង្រៀន សាស្ត្រាចារ្យ ឬ អ្នកជំនាញតាំងពីកំណើត។ ពួកគេមានកម្លាំងកាយ និងស្មារតីរឹងមាំខ្លាំងក្លា។ ពួកគេមានគោលជំហច្បាស់លាស់ ចេះគោរពអ្នកដទៃ និងខ្លួនឯង ហើយថែមទាំងជាមនុស្សដែលមានមន្តស្នេហ៍ទាក់ទាញលើសនរណាៗទាំងអស់។
ផ្ទុយមកវិញ ប្រសិនបើមនុស្សនេះមានចិត្តវៀចវេរប្រាស់ចាកពីអ្វីដែលបានលើកឡើងខាងលើ ពោលប្រសិនបើ ពួកគេមិនខ្ចីរវីរវល់នឹងអ្នកណាទាំងអស់ មិនខ្វល់ មិនជួយ គិតតែពីប្រយោជន៍ខ្លួនឯង ពួកគេអាចនឹងជួយរឿងស៊យៗច្រើនក្នុងជីវិតទៅវិញ។ ពួកគេមានស្នាមនេះគឺដោយសារតែព្រេងវាសនាចារមកពីជាតិមុន ដែលតម្រូវឱ្យពួកគេប្រព្រឹត្តតែទង្វើល្អ ពុំនោះទេ នឹងជួបកម្មពៀរទាន់ហន់មិនរង់ចាំដល់ជាតិក្រោយទេ។
ទោះយ៉ាងណា បើនិយាយពីសត្រូវជុំវិញទិស បើពួកវាបម្រុងនឹងព្យាបាទបុគ្គលបាតដៃនេះ ពួកវារមែងទន់ចិត្ត មិនហ៊ានប្រព្រឹត្តអ្វីដាក់លើបុគ្គលនេះទេ ហើយបុគ្គលនេះថែមទាំងអាចបង្វែរសត្រូវមកជាមិត្តបានថែមទៀតផង៕
No comments:
Post a Comment